கனவுகள் - கவிதை!

பயணம் முழுதும் கனவுகள் சேகரித்தேன்

சுமந்து திரிந்தேன் பல காலம்

சுமைகள் அழுத்த கலைக்க ஆரம்பித்தேன்

கனவுகள் முற்றும் கலைந்த நிலையில்

இப்பொழுது

உன் கண்களைச் சந்தித்த நாள் முதலாய்

ஒவ்வொரு சந்திப்பிலும்

கனவுகளை அள்ளித் தருகிறாய் - நானும்

மகிழ்வுடன் சேகரித்து கொள்கிறேன்

தொடங்கிய புள்ளிலேயே - மீண்டும்

தள்ளிவிட்டுவிட்டாய்

நீயில்லை என்னோடு இப்பொழுது

கலைக்க மனதில்லாமல்

சுற்றித்திரிகிறேன்

நீ தந்த கனவுகளோடு.